Qazaqstannyń Uly Jeńiske qosqan úlesin baıandaıtyn poıyz

7 mamyrda Máskeýdiń «Sokol» elektrodeposynda «Narodnyı opolchenes» dep atalǵan Qazaqstannyń Uly Jeńiske qosqan úlesi týraly 12 posterden qurylǵan ekspozısııa ornatylǵan arnaıy poıyz júre bastady.   Kóshpeli ekspozısııa Qazaqstanda qurylyp, odan keıin Máskeýdi, Sevastopoldi, Lenıngradty qorǵaýda, Ýkraınany azat etýge qatysqan dıvızııalardyń áskerı joly týraly, basyp alynǵan aýmaqtarda partızandar qataryndaǵy qazaqstandyqtardyń erlik isteri týraly, sondaı-aq, elimizge kóshirilgen áskerı-ónerkásiptik kásiporyndarynyń maıdandy jabdyqtaýǵa qosqan úlesi týraly baıandaıdy. Qazaqtyń uly aqyndary aldyńǵy qatarda bolǵan jaýyngerlerge, blokadaǵa túsken Lenıngrad qalasy turǵyndaryna arnalǵan ataly sózderin joldap, shyǵarmalaryn olarǵa oryndaý arqyly rýhanı qoldaý kórsetkeni erekshe tereń sezinetin taqyrypqa aınaldy. Máselen, uly Jambyl Jabaevtyń «Lenıngradsy, detı moı!» degen joldaý sózderi bárine de belgili. Basqa sýretterde qazaqtyń keń-baıtaq dalasyna kóshirilgen halyqtardy qazaqtar jyly qabyldaǵany beınelengen, al jetim qalǵandardy asyrap alý kezinde jasaǵan posterler men derekti fılm­der eshkimdi enjar qaldyrmaıdy. Mobıldik qurylǵynyń ıeleri «Na­ro­dnyı opolchenes» poıyzyndaǵy sýretterde beınelengen QR-kod  arqyly eks­pozısııanyń keńeıtilgen nusqasymen tanysa alady. Tolyǵyraq aıtqanda, kez kelgen metro jolaýshysy Elshilik jáne «Qazaqstan» teleradıokorporasııasy birlesip ázirlegen Uly Otan soǵysy taqyrybyna arnaıy beınerolıkterdi ózderine erkin kóshire alady. Jeńis poıyzynyń ekspozısııasyn qalyptastyrýǵa Reseı áskerı-tarıhı qoǵamdastyǵy, «Vechernıaıa Moskva» gazeti redaksııasy, Máskeýdi qorǵaý memlekettik murajaıy, 1941-1945 jyldar kezeńinde Uly Otan soǵysynyń ortalyq murajaıy da qatysty. Poıyzdaǵy kórme aldaǵy jarty jyl boıy jumys isteıtin bolady. Poıyz ekspozısııasyn ashý rásimine Reseıdegi Qazaqstan Elshiliginiń Keńesshi-ýákili Vıktor Temirbaev, Máskeý metropolıteni basshysynyń orynbasary Vladımır Pogodın jáne jergilikti ardagerlik qoǵamdastyqtardyń ókilderi qatysty, dep habarlady Reseıdegi Qazaqstan Elshiliginiń baspasóz qyzmeti.